Paşinyan Sarkisyanı belə ələ saldı: "Xoda getməyən tanklar... İsgəndər raketləri..."

Paşinyan Sarkisyanı belə ələ saldı: “Xoda getməyən tanklar… İsgəndər…”
Want create site? Find Free WordPress Themes and plugins.

Ermənistan Prezidenti Serj Sərkisyanın ötən bazar günü Dağlıq Qarabağda çıxışı zamanı Azərbaycanı “İsgəndər” raketləri ilə hədələməsinə elə onun öz ölkəsində istehza ediblər.

A24.Az Virtualaz.org-a istinadla xəbər verir ki, müxalif deputat, “Çıxış” blokunun liderlərindən biri Nikol Paşinyan Sərkisyanın özünü Emənistanın təhlükəsizliyinə əsas təhdid adlandırıb.

Sərkisyan çıxışında ad çəkmədən Paşinyana da eyham vurmuşdu və aprelin 2-nə təyin olunmuş seçkilərdə “evlərin həyətlərində, avtoqarajların damında hoppanıb bacardıqda yüksəkdən qışqıranları yox, xalqın mövcudluğunu qoruyanları” seçmək lazım olduğunu demişdi.

Paşinyan isə Sərkisyandan sonra Vanadzorda seçicilərlə görüşündə deyib ki, xalqı bu uçurumdan çıxarmaq üçün onlar evlərin damında tullanmağa da hazırdırlar. “O bizə deyir ki, bizim dama qalxmağımız xoşuna gəlmir. Lakin bağışlayın mən, bu gün Respublika partiyası elə adamların namizədliyini irəli verib ki, 10 il deputat olduqları vaxtda dama yox, heç tribunaya da qalxmayıblar. O zaman bu adamları təzədən niyə deputatlığa namizəd irəli sürmüşünüz?”-Paşinyan deyib.

Sərkisyanın hakim partiyanı Ermənistanın təhlükəsizliyinin təminati adlandırması və ali baş komandan kimi “lazım gəlsə gözünü belə qırpmadan” Azərbaycana qarşı “İsgəndər” raketlərini tətbiq edəcəyi haqda dediklərinə cavab olaraq Paşinyan deyib ki, hazırda Sərkisyanın özü Ermənistan üçün ən başlıca təhdiddir.

“İsgəndər” raketləri nə qədər müasir texnika olsa da o, ötən əsrin 80-ci illərinin “xoda getməyən” tankları ilə birlikdə vahid təhlükəsizlik sistemi ola bilməz. Bu ona bənzəyir ki, kimsə 80-ci illərin sovet televizoru “Rekord”u “Panasonic”in məsafədən idarə etmə pultu ilə işə salmağa çalışır. Serj Sərkisyan Ermənistanın milli təhlükəsizliyini iflasa uğradıb və xalq onun təhlükəsizlik sahəsində xidmətlərindən imtina etməlidir”-müxalif deputat bildirib.

Did you find apk for android? You can find new Free Android Games and apps.
 
Son Dəqiqə
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar