Premyer Liqa: "Keşlə" "Qarabağ"a qalib gəldi

Premyer Liqa: “Keşlə” “Qarabağ”a qalib gəldi
Want create site? Find Free WordPress Themes and plugins.

 Futbol üzrə Azərbaycan Premyer Liqasında XXVII tura start verilib.

A24.Az “Report”a istinadən xəbər verir ki, turun ilk oyununda “Keşlə” doğma meydanda “Qarabağ”la üz-üzə gəlib.

Qarşılaşma meydan sahiblərinin 3:0 hesablı qələbəsi başa çatıb. Görüşdə hesab erkən açılıb. 4-cü dəqiqədə paytaxt təmsilçisinin legioneri Andre Klenon komandasını hesabda önə çıxarıb. Bu qoldan 4 dəqiqə sonra Pərdis Fərcad-Azad fərqi 2 topa çatdırıb. Görüşdə son nöqtəni isə Slavik Alxasov qoyub. Müdafiəçi 16-cı dəqiqədə fərqlənməklə qələbədə pay sahibi olub.

Bu nəticədən sonra xallarının sayını 28-ə çatdıran “Keşlə” 6-cı yerdəki mövqeyini daha da yaxşılaşdırıb. “Qarabağ” isə 62 xalla birinci yerdədir.

Qeyd edək ki, 27-ci tura bu gün keçiriləcək digər 3 qarşılaşma ilə yekun vurulacaq. “Neftçi” “Səbail”i, “Zirə” “Kəpəz”i, “Sumqayıt” isə “Qəbələ”ni qəbul edəcək.

17:00. “Keşlə” – “Qarabağ” – 3:0

Qol: Andre Klennon, 4. Pərdis Fərcad-Azad, 8. Slavik Alxasov, 16

Hakimlər: Rəşad Əhmədov, Mehman Mahmudov, Namiq Hüseynov, Rəhim Həsənov

AFFA nümayəndəsi: Abas Hüseynov

Hakim-inspektor: Xaqani Məmmədov

Bakı. “İnter Arena”

İlk üç dövrə – 0:1, 0:2, 1:1

A24.Az

Did you find apk for android? You can find new Free Android Games and apps.
 
İdman
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar