A24 Xeber

Putin azərbaycanlı bloggerin sualına cavab verdi

Putin azərbaycanlı bloggerin sualına cavab verdi
211
07 İyun 2018 - 18:00

Rusiya hökuməti “Instagram” və “YouTube”u bağlamaq niyyətində deyil. Bu sözləri Rusiya prezidenti Vladimir Putin canlı yayım zamanı Azərbaycan əsilli rusiyalı blogger Hüseyn Həsənovun Rusiyada bu serverlərin bağlanacağı ilə bağlı sualına cavab olaraq deyib. 

A24.Az-ın “Sputnik Azərbaycan”a istinadən məlumatına görə, Putin qeyd edib ki, bu serverlərin bağlanacağı ilə bağlı şayiələrin insanları narahat etməsini yaxşı başa düşür. O xatırladıb ki, xüsusi xidmət orqanlarında işləyib və bağlamağı hər şeydən yaxşı bacarır. Sivil həll yolu tapmaq isə çətindir.

Rusiya prezidenti əlavə edib ki, Telegram ətrafındakı vəziyyətdən xəbərdardır. Onun sözlərinə görə, hazırda insanların təhlükəsizliyi onu narahat edir.

“Xüsusi xidmət orqanlarının nümayəndələri Peterburq metrosundakı partlayışdan sonra kodlaşdırılma səbəbindən terrorçuların yazışmalarını izləyə bilmədiklərini deyəndə mən buna necə reaksiya verməliyəm? Axı insanların təhlükəsizliyi hər şeydən üstündür”, – Putin bildirib.

SİZİN REKLAMINIZ BURADA

(336x280px)

ƏLAQƏ: +994 70 507 77 00