A24 Xeber

Putin Nazarbayevlə Ermənistandakı vəziyyəti müzakirə edib

Putin Nazarbayevlə Ermənistandakı vəziyyəti müzakirə edib
23
04 May 2018 - 22:14

Rusiya prezidenti Vladimir Putin qazaxıstanlı həmkarı Nursultan Nazarbayevlə telefon danışığında Ermənistandakı vəziyyəti müzakirə edib.

Bu barədə “RİA Novosti ” məlumat yayıb.

Qazaxıstan dövlət başçısının mətbuat xidmətinin məlumatına görə, söhbət zamanı ikitərəfli münasibətlər və beynəlxalq gündəmdə olan aktual məsələlərlə bağlı fikir mübadiləsi aparılıb.

Liderlər beynəlxalq ictimaiyyətin Avrasiya İqtisadi Birliyi ilə əməkdaşlığın inkişaf etdirilməsinə marağının artığını vurğulayıb.

Putin və Nazarbayev eyni zamanda Ali Avrasiya İqtisadi şurasının toplantısına hazırlıqları müzakirə edib, bir-birini qarşıda gələn Qələbə günü münasibəti ilə təbrik edib.

Ermənistanda etiraz aksiyaları aprelin 13-dən başlayıb. Ermənistan parlamentində yeni baş nazirin seçilməsi ilə bağlı səsvermə mayın 8-də keçiriləcək.

Bundan əvvəl mayın 1-də keçirilən səsvermədə müxalifət lideri Nikol Paşinyan baş nazir seçilməsi üçün lazımınca səs toplaya bilməyib.

A24.Az

SİZİN REKLAMINIZ BURADA

(336x280px)

ƏLAQƏ: +994 70 507 77 00