A24 Xeber

Ramil Şeydayevin yeni klubu müəyyənləşdi

Ramil Şeydayevin yeni klubu müəyyənləşdi
57
28 May 2018 - 10:20

Azərbaycan milli komandasının futbolçusu Ramil Şeydayevin yeni klubu müəyyənləşib.

A24.Az xəbər verir ki,  22 yaşlı hücumçu Avstriya Bundesliqasında çıxış edən “Mattersburq”a keçəcək.

Bu barədə klub prezidenti Martin Puxer açıqlama verib. Lakin o, müqavilə üzrə Türkiyə “Trabzonspor”una məxsus Şeydayevlə anlaşmanın detalları barədə açıqlama verməyib.

Avstriya mətbuatı gənc forvardın “Zalsburq”a qayıdan Smail Prevlyakın əvəzinə alındığını yazıb. “Mattersburq” Bundesliqanı 36 oyundan 46 xalla 6-cı pillədə başa vurub.

Qeyd edək ki, Rusiya “Zenit”inin yetirməsi olan Ramil Şeydayev 2016-cı ilin yayında “Trabzonspor”la 4 illik müqavilə bağlayıb. Lakin o, Türkiyə klubunda möhkəmlənə bilmədiyi üçün 2017-ci ilin yanvarında Slovakiya “Jilina”sına, ötən ilin yayında isə “Qarabağ”a icarəyə verilib. Şeydayev bu komandaların heyətində Slovakiya və Azərbaycan çempionu olub.

(Report)

SİZİN REKLAMINIZ BURADA

(336x280px)

ƏLAQƏ: +994 70 507 77 00