A24 Xeber

Ramil Usubovun təyin etdiyi rəis kimin qohumudur?

Ramil Usubovun təyin etdiyi rəis kimin qohumudur?
180
25 İyul 2018 - 10:39

Daxili işlər naziri, general-polkovnik Ramil Usubovun imzaladığı müvafiq əmrlə Rövşən Eyyub oğlu Eyyubov Su Nəqliyyatında Polis İdarəsinin rəisi vəzifəsinə təyinat alıb.

“A24.az” APA-ya istinadən bildirir ki, bu təyinata qədər R. Eyyubov Nəqliyyatda Baş Polis İdarəsinin rəis müavini vəzifəsində çalışıb.

Qeyd edək ki, Rövşən Eyyubov həm də tanınmış musiqiçidir. 1993-94-cü illərdə fəaliyyət göstərən “Gəncə” qrupunun üzvlərindən olub. O, həmin dövrün bir çox məşhur mahnılarının həm müəllifi, həm də ifaçısıdır. Həmin mahnılardan ən məşhuru söz və musiqisi Rövşən Eyyubovun özünə aid olan “Mənə niyə baxmırsan” adlı musiqidir. Bundan başqa o, “İtkin gəlinim”, “İlahə”, “Ayrılmaram”, “Gəncəm”, “Yalan”, “Ümidimi qopardılar”, “Gəl dedim”, “Ayrılmaram səndən” adlı mahnıları ifa edib. Bu mahnılardan bəziləri “Youtube”da da yerləşdirilib.

Rövşən Eyyubov Azərbaycan Respublikası xüsusi dövlət mühafizə xidməti rəisinin birinci müavini, Azərbaycan Respublikası Prezidentinin Təhlükəsizlik Xidmətinin rəisi, general-polkovnik Bəylər Eyyubovun qardaşı oğludur.

OXŞAR XƏBƏRLƏR
SİZİN REKLAMINIZ BURADA

(336x280px)

ƏLAQƏ: +994 70 507 77 00