A24 Xeber

Ronaldo Azərbaycan millisinin qapısına vurduğu zərbədən danışdı

Ronaldo Azərbaycan millisinin qapısına vurduğu zərbədən danışdı
46
04 Aprel 2018 - 10:28

“Mən bir dəfə də belə qol vurmuşdum”.

“A24.az”ın “Report”a istinadən verdiyi məlumata görə, bunu İspaniyanın “Real Madrid” klubunun futbolçusu Kristiano Ronaldo Çempionlar Liqasının ilk 1/4 final matçında İtaliya “Yuventus”unun qapısından keçirdiyi ikinci top barədə danışarkən deyib. 33 yaşlı hücumçu Portuqaliya millisinin heyətində 2008-ci il dünya çempionatının seçmə qrup matçı zamanı Azərbaycan millisinin qapısına endirdiyi aşırma zərbəni xatırladıb. O bildirib ki, 2006-ci il oktyabrın 7-də keçirilmiş həmin görüşdə “velosiped” zərbəsindən sonra top qapı tirinə dəyərək, içəri daxil olsa da, qol sayılmamışdı. Bu dəfə isə Ronaldo topun qapıya daxil olduğunu vurğulayıb: “Bu, xoş təsir bağışlayan, yaddaşlarda qalacaq qol oldu. Şübhəsiz ki, “Yuventus”a vurduğum ikinci top mənim ən gözəl qolumdur”.

Qeyd edək ki, Kristiano Ronaldo “Yuventus”la səfər matçında 2 qol vurub. Bununla da təcrübəli hücumçu Çempionlar Liqasında ardıcıl 10-cu oyunda fərqlənərək, qollarının sayını 14-ə çatdırıb və bombardirlər siyahısında liderliyini möhkəmlədib.

SİZİN REKLAMINIZ BURADA

(336x280px)

ƏLAQƏ: +994 70 507 77 00