A24 Xeber

Rusiyanın ən iri mobil operatoru biznesini 1 dollara satdı

Rusiyanın ən iri mobil operatoru biznesini 1 dollara satdı
574
28 Mart 2017 - 11:56

Rusiya və MDB-nin ən iri mobil rabitə operatoru olan MTS şirkəti Özbəkistanın “Universal Mobile Systems” (USM) şirkətində malik olduğu 50,01% payını bu ölkənin hökumətinə satıb.

“A24.az”ı xəbər verir ki, MTS öz hissəsini simvolik məbləğə – 1 dollara satıb. Bu sövdələşmə 2016-cı ilin avqust ayında baş tutub.

Şirkət satışın “bir neçə səbəbinin” olduğunu deyib. Məlumata görə, Özbəkistan bazarından çıxmaqla MTS 2016-cı ilin III rübündə təqdim etdiyi hesabatında 2,7 mlrd. rublun silindiyini əks etdirib.

Ehtimal edilir ki, MTS-in Özbəkistanın mobil rabitə bazarından çıxması şirkətə qarşı anti-korrupsiya tədqiqatının tənzimlənməsi şərtlərindən biri ola bilər. Yazılanlara görə, MTS guya mərhum prezident İslam Kərimovun qızına bağlı yerli strukturlara rüşvət verib.

Qeyd edək ki, MTS Özbəkistanın mobil rabitə bazarında 2 ilə yaxın fəaliyyət göstərib.
(report.az)

SİZİN REKLAMINIZ BURADA

(336x280px)

ƏLAQƏ: +994 70 507 77 00