A24 Xeber

Salyanda ailə dramı

Salyanda ailə dramı
95
28 İyun 2017 - 18:10

Salyanda 2 gün əvvəl intihara cəhd edən 2-ci Varlı kənd sakini Ülkər Məmmədovanın dayısı Allahverdi Qurbanov, Ü.Məmmədovanın həyat yoldaşı Həsənağa Məmmədovun dayısı tərəfindən maşınla vurulub.

A24.az-ın Virtualaz.org-a istinadən məlumatına görə, hadisə dünən kənddəki “Varlı” ticarət mərkəzinin qarşısında baş verib. Belə ki, Salyan rayonun Xıdırlı kənd sakini Tahir Qurbanov idarə etdiyi “Chevrolet” markalı minik maşınını əvvəlcədən aralarında baş vermiş münaqişənin davamı olaraq 43 yaşlı kənd sakini Qurbanov Allahverdi Nizami oğlunun üstünə sürüb.

Müxtəlif dərəcəli bədən xəsarətləri alan Allahverdi Qurbanov Şirvan Şəhər Mərkəzi Xəstəxanasına yerləşdirilib. Ailə münaqişəsi zəminində yaxın qohumlar arasında baş verənlər barədə Salyan Rayon Polis Şöbəsində təhqiqata başlanılıb.

Qeyd edək ki, iyunun 26-da Salyan rayonunun 2-ci Varlı kəndində 20 yaşlı iki azyaşlı uşaq anası Məmmədova Ülkər Vahid qızı ailə münaqişəsi zəminində ziyanvericilərə qarşı üzümlüklərə vurulan fosfor üzvü birləşməsi içərək intihara cəhd etmişdi.

Ü.Məmmədova Salyan Mərkəzi Rayon Xəstəxanasına yerləşdirilib və hazırda onun vəziyyəti orta-ağır qiymətləndirilir.

OXŞAR XƏBƏRLƏR
SİZİN REKLAMINIZ BURADA

(336x280px)

ƏLAQƏ: +994 70 507 77 00