Səfirliklərdə də maliyyə nöqsanları aşkarlandı: Üç ölkənin nümayəndəliyində...

Səfirliklərdə də maliyyə nöqsanları aşkarlandı: Üç ölkənin nümayəndəliyində…
Want create site? Find Free WordPress Themes and plugins.

Azərbaycanın Gürcüstan Respublikası, Mərakeş Krallığı və Qazaxıstan Respublikasındakı səfirliyində maliyyə nöqsanları aşkarlanıb.

A24.Az APA-ya istinadən xəbər verir ki, bu barədə Hesablama Palatasının 2017-ci ildə fəaliyyəti üzrə hesabatında bildirilir.

Ötən il aparılan yoxlamalar nəticəsində Azərbaycanın Gürcüstandakı səfirliyində əməkhaqqının ödənilməsi üzrə 3578,8, ezamiyyə xərcləri üzrə 1260,9, nəqliyyat xərcləri üzrə 1787,9, digər xərclər üzrə 11694,8 olmaqla, cəmi 11694,8 ABŞ dolları həcmində büdcədən yayınma halı aşkar olunub. Qeyd olunan vəsait yoxlamalardan sonra görülən tədbirlər nəticəsində bərpa etdirilib.

Mərakeşdəki səfirlikdə ezamiyyə xərcləri üzrə 737,6, digər xərclər üzrə 37,8 olmaqla, 775,4 avro büdcədən yayınma halı aşkarlanıb və yoxlama nəticəsində vəsait bərpa etdirilib.

Qazaxıstandakı səfirlikdə isə ezamiyyə xərcləri üzrə 198, digər xərclər üzrə 39285,1 olmaqla, 39483,1 ABŞ dolları büdcədən yayınma halı aşkarlanıb. Yoxlama nəticəsində görülən tədbirlərdən sonra vəsait dövlət büdcəsinə qaytarılıb.

Ümumilikdə hər üç səfirlikdə 51 177,9 ABŞ dolları və 775,4 avro maliyyə pozuntusu aşkarlanıb.

Did you find apk for android? You can find new Free Android Games and apps.
 
İqtisadiyyat
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar