A24 Xeber

Seldən dağılan yol və körpü bərpa olundu: Şamaxıda

Seldən dağılan yol və körpü bərpa olundu: Şamaxıda
39
12 İyun 2018 - 12:26

Şamaxı rayonunda güclü leysan yağışları nəticəsində dağılan yol bərpa edilib.

A24.Az xəbər verir ki, bu barədə Trend-ə Şamaxı rayon İcra Hakimiyyətinin Sosial-iqtisadi inkişafın təhlili və proqnozlaşdırılması şöbəsinin əməkdaşı İrşad Osmanov bildirib.

O qeyd edib ki, hadisə nəticəsində kəndlərdən mərkəzə gedən yollarda yaranan problemlər aradan qaldırılıb: “Güclü leysan yağışları nəticəsində Mədrəsə kəndindən mərkəzə doğru gedən yolda körpünü su basmış, yol bağlanmışdı. Dərhal əraziyə texniki avadanlıqlar cəlb olunub və yol bərpa edilib. Hazırda yollarda heç bir problem yoxdur. Nəqliyyatın gediş-gəlişi təmin edilib”.

Xatırladaq ki, ötən gün yağan güclü yağış nəticəsində Şamaxı rayonunun Mədrəsə kəndindən rayon istiqamətində olan avtomobil yolunu su basmış, yolun üzərindəki körpünü lil bağlamışdı.

OXŞAR XƏBƏRLƏR
SİZİN REKLAMINIZ BURADA

(336x280px)

ƏLAQƏ: +994 70 507 77 00