A24 Xeber

Sərkisyan: “Müharibə sabah da başlaya bilər…”

Sərkisyan: “Müharibə sabah da başlaya bilər…”
793
08 Mart 2017 - 16:06

Fransada səfərdə olan Ermənistan prezidenti Serj Sərkisyan “France Press” agentliyinə müsahibəsində Paris, Moskva və Vaşinqtonu “Azərbaycanı müharibəyə başlamaqdan çəkindirməyə” çağırıb.

A24.Az xəbər verir ki, Sərkisyan Qarabağda müharibə təhlükəsinin qaldığını deyib. “Çünki Azərbaycan münaqişənin hərbi yolla həllinin mümkün olmadığına hələ əmin olmayıb”-Sərkisyan deyib.

Ermənistan prezidentinin sözlərinə görə, erməni ictimai şurunda hərbi əməliyyatların başlaması “zaman məsələsidir”, ola bilsin bir neçə həftə və ya ayın məsələsidir. “Ona görə də silahlı qüvvələrin baş komandanı və müdafiə naziri günü sabah başlaya biləcək müharibəyə hazır olmalıdır”-Sərkisyan bildirib. Bununla belə Ermənistan dövlət başçısı əlavə edib ki, hərbi əməliyyatların bərpasının yaxın gələcəyin məsələsi olduğuna inanmır, ancaq heç nəyi istisna etmir.

Sərkisyan Rusiyanın Azərbaycana milyardlarla dollarlıq silah satmasını “ağrılı qarşıladıqlarını” da bildirib. “Biz bundan təəsüflənirik, çünki Rusiya bizim strateji müttəfiqimizdir”-o deyib.//Virtualaz.org

OXŞAR XƏBƏRLƏR
SİZİN REKLAMINIZ BURADA

(336x280px)

ƏLAQƏ: +994 70 507 77 00