A24 Xeber

Səudiyyə Ərəbistanı Qəzzadakı qətliamla bağlı İSRAİLİ QINADI

Səudiyyə Ərəbistanı Qəzzadakı qətliamla bağlı İSRAİLİ QINADI
53
15 May 2018 - 12:54

Səudiyyə Ərəbistanı İsraili qınayan açıqlama verib.

“A24.az” türk mediasına istinadən xəbər verir ki, səudiyyəlilərin açıqlamasında ABŞ səfirliyinin Qüdsə köçürülməsi ilə bağlı heç bir söz və ya kəlmə yer almayıb.

Bildiyimiz kimi ötən gün (14 may 2018) ABŞ səfirliyinin Qüdsə köçürülməsi ilə bağlı Qəzzada qətliam yaşanıb. Hadisə zamanı 59 fələstinli öldürlüb, 2 mindən çox insan yaralanıb. Bir çox ölkələrin göz yumduğu qətliama ən sərt reaksiya verən Türkiyə olub. Son dövrlər İsrail və Amerika ilə yaxın münasibətlərdə olan Səudiyyə Ərəbistanı da yazılı açıqlaması ilə İsraili qınayıb.

Belə ki, Səudiyyə Ərəbistanı Xarici İşlər Nazirliyi sözçüsü açıqlamasında “Səudiyyə Ərəbistanı işğalçı İsrail qüvvələrinin onlarla fələstinlinin öldürülməsini və yaralamasını qınayır” ifadələrinə yer verib.

Lakin açıqlamada ABŞ səfirliyinin Qüdsə köçürülməsi mövzusuyla bağlı heç bir ifadənin yer almaması diqqət çəkib.

Qeyd edək ki, Səudiyyə Ərəbistanında Qüdsdə baş verənlərlə əlaqədar xəbər yayımlanması krallıq tərəfindən qadağan edilib.

Firuzə Alimova / A24.az

SİZİN REKLAMINIZ BURADA

(336x280px)

ƏLAQƏ: +994 70 507 77 00