A24 Xeber

Tanınmış jurnalist ustad dərsləri keçəcək

Tanınmış jurnalist ustad dərsləri keçəcək
74
10 Sentyabr 2018 - 14:33

“ADDIM” jurnalistikaya marağı olan gəncləri nəzərə alaraq, “ADDIM Media Academy” layihəsinin start verir.

“A24.az” xəbər verir ki, layihə həmçinin Azərbaycan jurnalistikasında peşəkarlığın artırılması məqsədi daşıyır.

Yeni təsis edilən media akademiyasında beynəlxalq jurnalistika üzrə 3 aylıq təlim-seminar təşkil ediləcək. Layihə çərçivəsində jurnalistikanın (çap mediası, radio və televiziya jurnalistikası) nəzəri əsasları, praktikası, beynəlxalq media standartları ilə bağlı ustad dərsləri keçiriləcək. Təlim proqramına informasiya istehsalı, xəbərçilik, reportaj və müsahibə texnikası, “stand-up”ı zəruri edən hallar, interküyün funksiyaları, video materialların (süjet, sorğu, “no comment”) hazırlanması kimi mövzular daxildir. Dərsləri jurnalist/trener Könül Cəfərli keçəcəkdir.

Seminarda nəzəri məlumatlarla paralel olaraq, təcrübəyə də yer ayrılacaq. Hər bir iştirakçı öyrəndiyi mövzunu praktiki olaraq da həyata keçirə biləcək: xəbər yazacaq, süjet çəkəcək, sorğu aparacaq, müsahibə alacaq və s. Görülən işlər təşkilatın yeni yaradılan saytında yerləşdiriləcək.

Proqrama həmçinin televiziya aparıcılığı və internet-media üzrə dərslər də daxil edilib. Seminar hər həftənin şənbə-bazar günləri saat 10:00-dan 13:00-dək keçiriləcək.

Təlim-seminarda jurnalistika ixtisası üzrə təhsil alan, hazırda müxbir kimi fəaliyyət göstərən, həmçinin bu sahəyə marağı olan gənclər (18-35 yaş) qatıla bilər. Dərslərdə iştirak edəcək 30 nəfərlik hədəf qrup müsabiqə yolu seçiləcək. Təlimi başa vuran iştirakçılara sertifikat təqdim ediləcək.

A24.az

SİZİN REKLAMINIZ BURADA

(336x280px)

ƏLAQƏ: +994 70 507 77 00