A24 Xeber

Təcili yardım gecikdi, gənc oğlan öldü – FOTOLAR

Təcili yardım gecikdi, gənc oğlan öldü – FOTOLAR
168
28 İyul 2018 - 9:16

 Nəsimi rayonunda Təcili Təxirəsalınmaz Tibbi Yardım Xidmətinin gecikməsinə görə bir nəfər ölüb.

A24.Az “Report”a istinadən xəbər verir ki, hadisə 28 May ilə Rəşid Behbudov küçəsinin kəsişməsində baş verib.

Belə ki, hadisə şahidlərinin “Report”un əməkdaşına verdiyi məlumata görə, təxminən 25-30 yaşlı oğlan sərxoş vəziyyətdə yolun kənarında  halı qəfil pisləşib. Bunu görən Bakı sakini Aynur Məmmədova Təcili Təxirəsalınmaz Tibbi Yardım Xidmətinə (TTTYX) müraciət edib. Təcili yardım briqadası gələnə qədər adı hələlik bilinməyən şəxs dünyasını dəyişib. A.Məmmədova “Report”a bildirib ki, təcili yardım məlumat verilən müddətdən təxminən 1 saat müddətində gəlib.

Təcili Tibbi Yardım Xidmətinin həkimi isə “Report”un əməkdaşının suallarını cavablandırmaqdan boyun qaçırıb.

Baş vermiş ölüm hadisəsi ilə bağlı əraziyə Nəsimi Rayon Polis İdarəsinin əməkdaşları cəlb edilib.

Meyit müayinə olunması üçün morqa təhvil verilib. Hazırda hadisənin dəqiq səbəbləri və ölən şəxsin kimliyi araşdırılır.

A24.Az

SİZİN REKLAMINIZ BURADA

(336x280px)

ƏLAQƏ: +994 70 507 77 00