A24 Xeber

Terror təşkilatı ilk dəfə bütün dünyadan üzr istədi

Terror təşkilatı ilk dəfə bütün dünyadan üzr istədi
78
20 Aprel 2018 - 12:13

Ötən il silahlarını təslim edən terror təşkilatı ETA səbəb olduğu itkilər üçün bütün dünyadan üzr istəyib.

“A24.az” xarici mediaya istinadən xəbər verir ki, İspaniyada 58 il davam edən silahlı mübarizəyə ötən il son verən terror təşkilatı ETA bu gün verdiyi açıqlama zamanı üzr istəyib.

Rəsmi şəkildə verilən açıqlamada yol verdikləri zərərlərdən bəhs edilib. Bask bölgəsinin müstəqilliyi üçün onlarla terror aktı təşkil edən  ETA 2017-ci ilin 8 aprel tarixində əllərində olan silah və bombaları təslim edərək qaranlıq dövrün başa çatdığını bildirmişdi.

Qeyd edək ki, 1959-cu ildə diktator General Frankonun dövründə qurulan ETA terror təşkilatı 7 il bundan əvvəl birtərəfli atəşkəs elan etmişdi. Terror təşkilatının dünyada ən çox səs-küy yaradan hücumu 1973-cü ildə Frankonun dövründə baş nazir Luis Carreo Blanconun bombayla öldürülməsi olub. Bu terror aktından sonra ETA dünyanın diqqətini üzərinə çəkib.

Bundan başqa ETA-nın gerçəkləşdirdiyi terror aktlarında 800-dən çox insan ölüb. Avropa Birliyi 2001-ci ildə ETA-nı terror təşkilatı olaraq elan edib. Sözügedən qərar İspaniya hökuməti tərəfindən qələbə kimi qeyd edilib.

A24.az

SİZİN REKLAMINIZ BURADA

(336x280px)

ƏLAQƏ: +994 70 507 77 00