A24 Xeber

Tramp Kim Çen Inla görüşməyəcək

Tramp Kim Çen Inla görüşməyəcək
39
25 May 2018 - 8:36

Şimali Koreyalılar ABŞ-ın liderləri arasında ikitərəfli sammitin hazırlanması üçün Sinqapura gəlmiş amerikalı məmurların səylərinə məhəl qoymayaraq ABŞ ilə əlaqələri dayandırıb və verdiyi vədləri yerinə yetirməyiblər.

“A24.az” bildirir ki, bu barədə Ağ Ev məlumat verib.

ABŞ prezidenti Donald Tramp KXDR lideri Kim Çen Inla planlaşdırılan görüşü təxirə salıb.

“Reuters”də yayımlanan məlumata əsasən, Pxenyan verdiyi bir sıra vədləri pozub və ABŞ nümayəndələri ilə əlaqəni kəsib.

Bundan əlavə görüşün təxirə salınmasında Şimali Koreyanın Xarici İşlər nazirinin müavini Çxve Son Xi-nin sözləri də böyük rol oynayıb. O söyləmişdi ki, Pxenyan ABŞ-ya nüvə zərbəsi endirə bilər.

24 may tarixində Ağ Ev Trampın Kim Çen Ina məktubunu yayıb. Orada deyilir ki, Koreya tərəfinin son bəyanatlardan sonra ikitərəfli görüşün keçirilməsi yersiz hesab olunur. Tramp əlavə etdi ki, Şimali Koreya lideri ilə gələcəkdə görüşəcəyinə ümid edir və Kim Çen Ina amerikanlı girovları azad etdiyi üçün təşəkkürünü bildirir.

SİZİN REKLAMINIZ BURADA

(336x280px)

ƏLAQƏ: +994 70 507 77 00