A24 Xeber

Türkiyə İsrail səfirindən ölkəsini tərk etməyi tələb etdi

Türkiyə İsrail səfirindən ölkəsini tərk etməyi tələb etdi
30
16 May 2018 - 10:45

Türkiyə İsrailin İstanbuldakı baş konsulunu ölkəni tərk etməyə çağırıb.

“A24.az” bildirir ki, bunu Türkiyə KİV-ləri Xarici İşlər Nazirliyindəki mənbəyə istinadən yazır.

Bu gün səhər İsrailin baş konsuluna bu tələbin çatdırıldığı bildirilir.

Mayın 15-də Türkiyə XİN Qəzza sektorundakı vəziyyətin gərginləşməsi ilə əlaqədar İsraildəki səfirini geri çağırıb.

Bundan başqa, Türkiyənin Baş naziri Binəli Yıldırım ötən gün müsəlman ölkələrini İsraillə münasibətlərinə yenidən baxmağa çağırıb.

Qeyd edək ki, İsrail dövlətinin yaradılmasının 70 illiyi və bu yubiley münasibətilə ABŞ səfirliyinin Təl-Əvivdən Qüdsə keçirilməsi ilə əlaqədar olaraq Qəzza sektorunda etiraz aksiyası keçirilir. Mayın 14-də İsrail əsgərləri aksiya iştirakçılarına atəş açıblar. Qarşıdurma nəticəsində 55 fələstinli ölüb, 2700-ü yaralanıb.

SİZİN REKLAMINIZ BURADA

(336x280px)

ƏLAQƏ: +994 70 507 77 00