Türkiyədə körpü Azərbaycan bayrağının rənglərinə boyandı - VİDEO

Türkiyədə körpü Azərbaycan bayrağının rənglərinə boyandı – VİDEO
Want create site? Find Free WordPress Themes and plugins.

İstanbul Boğazındakı “15 iyul şəhidləri” körpüsü Azərbaycanın üç rəngli bayrağının rənglərinə boyanıb.

“A24.az” bildirir ki, bu barədə APA-ya məlumat Azərbaycanın İstanbuldakı Baş konsulluğundan daxil olub.

Məlumatda qeyd edilib ki, mayın 27-də axşam saat 21-dən etibarən Azərbaycan bayrağının rənglərinə boyanan körpüdəki o vəziyyət  mayın 28-də səhərə qədər davam edəcək, eyni gün axşam saatlarında körpü yenidən lazer işıqları vasitəsi ilə üç rəngli bayrağa boyanacaq.

“15 iyul şəhidləri” körpüsünün Azərbaycan bayrağının rənglərinə boyanmasını yerində izləyəndən sonra APA-ya açıqlama verən Baş konsul Məsim Hacıyev deyib: ”Nəqliyyat, kommunikasiya və dənizçilik nazirliyinin İstanbulldakı bölgə idarəsi ilə danışıqlar apararaq “15 iyul şəhidləri” körpüsünün işıqlar vasitəsiylə bayrağımızın 3 rənginə boyanmasına nail olmuşuq. Cümhuriyyətimizin qurulmasının 100-cü ilində körpünün 2  gecə bayrağımızın rənglərinə boyanması bizim üçün unudulmaz əlamətdar hadisələrdən biridir. Bu işləri həyata keçirmək üçün Baş konsulluğumuz Türkiyə Cümhuriyyətinin müvafiq dövlət qurumları ilə daimi məqsədyönlü iş aparıb. Təklifimizi qəbul edərək körpünü iki gecə üç rəngli bayrağımızın rənginə boyayan  müvafiq dövlət qurumlarına öz təşəkkürümü bildirirəm. Bu, mərhum Ulu Öndərimiz Heydər Əliyevin  müəyyənləşdirdiyi “Bir millət, iki dövlət” prinsipinin növbəti əyani təzahürlərindən biridir”.

Qeyd edək ki, 1973-cü ildə inşa edilmiş və hazırda “15 iyul şəhidləri” adını daşıyan körpünün tarixində Azərbaycan dövlətinin bayrağından başqa heç bir dövlətin bayrağının  rənglərinə boyanmasına icazə  verilməyib.

Did you find apk for android? You can find new Free Android Games and apps.
 
Gündəm, Foto xəbər, Video Xəbər
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar