"Vaqner"in meyitlərə dönən ordusundan sonra - ABŞ qırıcıları İran silahlılarını torpağa doldurdu

“Vaqner”in meyitlərə dönən ordusundan sonra – ABŞ qırıcıları İran silahlılarını torpağa doldurdu
Want create site? Find Free WordPress Themes and plugins.

Suriyanın Deyr əz-Zor əyalətində neft-qaz yataqlarının və “Konoko” qaz emalı zavodunun yerləşdiyi bölgəni kürdlərdən ibarət “Suriya Demokratik Qüvvələri”indən almaq üçün Bəşər Əsədi dəstəkləyən qüvvələrin daha bir hücumu iflasa uğrayıb.

Virtualaz.org “Anadolu” agentliyinə istinadən xəbər verir ki, bu dəfə İrana bağlı şiə silahlı birləşmələri bölgəyə irəliləməyə çalışıb. Lakin onlar ABŞ aviasiyasının sarsıdıcı zərbələrindən sonra darmadağın edilib və geri qaçıblar.

Xəbər verildiyi kimi fevralın 7-də əsasən “Vagnerin ordusu” kimi tanınan Rusiya özəl hərbi şirkətinin muzdlularından ibarət olmaqla 600-dan çox canlı qüvvə, çoxsaylı zirehli texnika kürdlərin nəzarətində olan “Konoko” qaz emalı zavodunu ələ keçirmək üçün hücuma cəhd edib. ABŞ aviasiyası hücum edən qüvvələrə üç saat ərzində sarsıdıcı zərbələr endirib və nəticədə 300-ə yaxın rus muzdlusu öldürülüb. O cümlədən İrana bağlı yaraqlılar da həmin hücum cəhdində itki verib. Bu hadisə həftələrdir ki, beynəlxalq mediada müzakirə olunmaqdadır.

“Anadolu” agentliyi özünün Deyr əz-Zordakı müxbirinə istinadla bildirir k, 4 gün əvvəl İran qüvvələri PKK/PYD qüvvələrinin nəzarətində olan Salihiyyə bölgəsinə cəmləşdirilib. Daha sonra onlar “Konoko” qaz emalı zavodunun ətrafına raket zərbələri endirməyə başlayıblar Artilleriyanın dəstəyi ilə İran qüvvələri “Konoko” zavodu ətrafındakı Cedide Akidat və Cedide Bakkara bölgələrində 22 nöqtəni tutublar.

Lakin ötən gün fevralın 26-da axşam saat 23.00 radələrində ABŞ döyüş təyyarələri İran qüvvələrinə və onların Salihiyyədəki düşərgələrinə güclü zərbələr endirib. Nəticədə İrana bağlı qüvvələr ciddi itki verərək ələ keçirdikləri mövqelərdən qaçmalı olublar. İtkilərin sayı barədə məlumat yoxdur. Pentaqon hələlik bu barədə məlumat yaymayıb.

Deyr əz-Zor bölgəsi Suriyanın neft-qaz yataqları ilə zəngin bölgəsidir. Bu regionda 11 iri neft yatağı yerləşir. Həmin yataqlarda Suriyanın karbohidrogen ehtiyatlarının təxminən üçdə biri cəmləşib. Kürdlərdən ibarət “Suriya Demokratik Qüvvələri” ABŞ-ın başçılıq etdiyi koalisiyanın hava dəstəyi ilə ötən ilin son aylarında Fərat çayının şərqinə doğru irəliləyərək “Konoko” qaz emalı zavodunu və ən iri neft yataqlarından olan “Əl Ömər” yatağını tutub. Hazırda Fərat çayının şərq əraziləri “Suriya Demokratik Qüvvələri”nin nəzarətindədir, çayın qərb sahilində isə kiçik əraziyə hələ də İŞİD nəzarət edir.

Did you find apk for android? You can find new Free Android Games and apps.
 
Manşet
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar