A24 Xeber

Vəkilə ehtiyacı olanlara pulsuz xidmət – Vəkillər Kollegiyası

Vəkilə ehtiyacı olanlara pulsuz xidmət – Vəkillər Kollegiyası
43
30 İyul 2018 - 10:09

Bu gün “Vəkillərin peşə bayramı günü” ilə əlaqədar müraciət edən şəxslərə pulsuz hüquqi yardım göstəriləcək.

“A24.az” xəbər verir ki, bu, bütün vəkil qurumlarına şamil olunur.

Vəkillər Kollegiyasının (VK) Rəyasət Heyətinin Aparat rəhbəri Fərhad Nəcəfov “Report”a bildirib ki, söhbət bir gün ərzində göstəriləcək hüquqi yardımdan gedir.

Aparat rəhbəri deyib ki, bu, əsas etibarilə cinayət işləri istisna olmaqla, digər sahələrdə şifahi və yazılı məsləhətlərin verilməsi, müxtəlif ərizələrin tərtibinə dair hüquqi yardımın fəaliyyətini əhatə edir: “Bu fəaliyyətlər ödənişsiz əsaslarla həyata keçiriləcək”.

Qeyd edək ki, VK-nın Rəyasət Heyətinin iclasında 30 iyul – “Vəkillərin peşə bayramı günü”ndə VK-nın Rəyasət Heyəti üzvlərinin Bakı şəhərində yerləşən ahıllar evlərindən birini ziyarət etməsi və oranın sakinlərinə ödənişsiz hüquqi yardım göstərilməsi barədə qərar qəbul edilib. Həmçinin bütün vəkil qurumlarına isə həmin tarixdə gün ərzində qurumlara müraciət edənlərə pulsuz hüquqi yardım göstərilməsi tövsiyə olunub.

Report.az

OXŞAR XƏBƏRLƏR
SİZİN REKLAMINIZ BURADA

(336x280px)

ƏLAQƏ: +994 70 507 77 00