Yeddi həkimi əvəz edən gicitkən

Yeddi həkimi əvəz edən gicitkən
Want create site? Find Free WordPress Themes and plugins.

Slavyanların qədim bir atalar sözündə deyilir: “Bir gicitkən yeddi həkimi əvəz edir”. Yapon xalq təbabətində gicitkənin təzə şirəsi arı və ilan sancması zamanı zəhər əleyhinə vasitə kimi istifadə olunur. Onun cavan pöhrələri ilə yemlənən heyvanların südü və yağlılığı artır.

A24.Az AZƏRTAC-a istinadən bildirir ki, bitkinin həm təzə, həm də qurudulmuş yarpaqları güclü qankəsici təsirə malikdir, yarpaqlarının ödqovucu, iltihab əleyhinə, damardaraldıcı xüsusiyyətləri var. Gicitkən yarpağı qanda şəkərin miqdarını azaldır və südverən analarda süd ifrazatını artırır.

Gicitkən köklərinin dəmləmə və bişirməsi böyrək və mədə xəstəliklərində, ishallar, dezinteriya, qurd xəstəlikləri, furunkulyoz, revmatizm, bronxial astma, ağciyər vərəmi zamanı bəlğəmgətirici, qızdırmasalıcı vasitə kimi və saçların dibini bərkitmək üçün istifadə olunur. Yarpaqların dəmləməsi bağırsaq, böyrək, ağciyər, uşaqlıq və digər qanaxmalarda, həmçinin yuxusuzluq zamanı tətbiq edilir.

20 qram gicitkən üzərinə 1 stəkan şərbət əlavə edilərək 15 dəqiqə qaynadılır, öd daşı və böyrək daşı xəstəliklərində gündə 3-4 dəfə 1 xörək qaşığı, daxili qanaxmalar zamanı gündə 4-5 dəfə 1 çay qaşığı qəbul edilir.

Hipertoniya və aterosklerozdan əziyyət çəkənlərin, qlomerulonefrit kimi böyrək xəstəliyi və qanın laxtalanması yüksək olanların gicitkəndən istifadə etməsinə icazə verilmir.

Did you find apk for android? You can find new Free Android Games and apps.
 
Maraqlı
a24.az

Müzakirə

1001 Bərəkət Halal Nemət

a24.az

Səhliyalı

a24.az
A24.Az - Xəbərdə Yeni Nəfəs, Xəbərlər, Araşdırma, Müsahibələr, Reportajlar